Parish news
ಕೊಣಿಂಯೀ ಉಪಾಶಿಂ ಉರೊಂಕ್ ನಜೊ
ಕೊಣಿಂಯೀ ಉಪಾಶಿಂ ಉರೊಂಕ್ ನಜೊ
ಆಮ್ಚಿಂಚ್ ಮನ್ಶಾಂ ಕಷ್ಟಾಣತ್ ಆಸಾತ್, ಜೇಂವ್ಕ್ ಸಮಾಕಟ್ಟ್ ನಾ ಮ್ಹಣ್ ಸಾಂಗೊಂಕ್ ತಾಂಕಾಂ ಲಜ್ ದಿಸ್ತಾ.ಕೊರೊನಾ ವೈರಸ್ ಪರಿಸ್ಥಿತಿಸಂಸಾರಾಂತ್ ಕಷ್ಟಾಂಚಿ ಜಾಲ್ಯಾ. ಹೊ ಆಯಿನ್ನ್ ವೇಳ್ ಕಷ್ಟಾಂತ್ ಆಸ್ ಲ್ಲ್ಯಾ ಆಮ್ಚಾ ಮನ್ಶಾಂಚಿ ಕಾಳ್ಜಾಂ ಆಪೊಡ್ಚೊ ಆನಿ ತಾಂಚಿ ಗರ್ಜ್ ಕಿತೆಂ ಮ್ಹಣ್ ಸಮ್ಜೊಂಚೊ. ತಿಂ ಉಪಾಶಿಂ ನಿದ್ತಾತ್ ಗೀ? ತೆಂ ಮ್ಹಜೆಂ ಆನಿ ತುಜೆಂ ಕರ್ತವ್ಯ್ ತಾಂಕಾಂ ಸ್ಪಂದನ್ ಕರುನ್ ಖುಶಿ ದವರ್ಚೆಂ . ತುಂ ಮ್ಹಜೆ ಸಂಗಿಂ ಆಸಾಯ್ ?
ದಯಾಕರುನ್ ಕೊಣಿಂಯ್ ಆಮ್ಚಾ ವಾಡ್ಯಾಂತ್ ವ ದೆರೆಬಯ್ಲ್ ಫಿರ್ಗಜಿಚಾ ವ್ಯಾಪ್ತಿಂತ್ ಉಪಾಶಿಂ ನಿದಾನಾಶೆಂ ಪಳೆಂವ್ಚೆಂ ಆನಿ ತಾಂಕಾಂ ಆಧಾರ್ ದಿಂವ್ಚೊ. ತಿಂಯೀ ಆಮ್ಚಿಂಚ್ . ಹಾಂವ್ ತಾಂಕಾಂ ಭೆಟ್ಲಲ್ಯಾ ವೆಳಾರ್ಮ್ಹಜೊ ಅನುಭವ್ ಅಸೊ.
ತುಮ್ಕಾಂ ಜೇಂವ್ಕ್ ಖಾಂವ್ಕ್ ಉಣೆಂ ಪಡ್ಲಾಂಗೀ ಮ್ಹಣ್ತಾನಾ ತಾಣಿಂ ಮ್ಹಳೆಂ: ವ್ಹಯ್ . ಕಾಮಾಂಕ್ ವಚೊಂಕ್ ಜಾಯ್ನಾ , ಸಾಂಗೊಂಕ್ ಲಜ್ ದಿಸ್ತಾ. ಆಜ್ ಆಮ್ಕಾಂ ಭಿತರ್ ಕಾಂಯ್ ನಾತ್ಲೆಂ . ತುಮ್ಚಿ ರೇಶಾನಾಚಿ ಪೊಟ್ಲಿ ವೆಳಾರ್ ಪಾವ್ಲಿ...ಥೊಡ್ಯಾನಿಂ ರಡೊನ್, ಹಾಸೊನ್ ಉಪ್ಕಾರ್ ಆಟಯ್ಲೊ. ಥೊಡ್ಯಾಂನಿ ಸಾಂಗ್ಲೆಂ : ಆಮ್ಕಾಂ ಬರೆ ಯಾಜಕ್ ಆನಿ ಬರೆ ಮುಖೆಲಿ ಆಸಾತ್ ಆಮ್ಚಾ ಬೊಲ್ಸಾಂತ್ ಹಾತ್ ಘಾಲುಂಕ್ ಆಯಿನ್ನ್ ವೇಳ್ ಹೊ. ಆಮ್ಚಿ ಭೆಟ್ ಆನಿ ಕುಮೊಕ್ ಕ್ರಿಸ್ತಾಂವ್ ಕುಟ್ಮಾಂಕ್ ಮಾತ್ರ್ ನ್ಹಂಯ್ ಆಸ್ತಾಂ ದುಸ್ರ್ಯಾಂಕ್ ಯೀ ಆಸ್ ಲ್ಲಿ. ಕೋವಿಡ್ ೧೯ ನ್ ಮೊಸ್ತು ಜಣಾಂಚೆ ದೊಳೆ ಆನಿ ಕಾಳ್ಜಾಂ ಉಗ್ತಿಂ ಕೆಲಿಂ ಹ್ಯಾ ಘರ್ ಬಂಧನಾಚಾ ವಗ್ತಾ ಹಾಂವ್ ಮ್ಹಜೆಂ ರೇಶನ್ ಹಾಡ್ಚಾವಿಶಿಂ ಚಿಂತ್ತಾಲೊಂ . ಆತಾಂ ಮ್ಹಾಕಾ ಸಮ್ಜಾಲೆಂ ಆಮ್ಚಿಂಚ್ಚ್ ಮನ್ಶಾಂ ಘರಾ ಭಿತರ್ ಉಪಾಶಿಂ ರಾವೊನ್ ಖಂತಿನ್ ಕೊರೊನಾ ಘರ್ ಬಂಧನಾಂತ್ ಜಿಯೆತಾತ್ . ತುಜೊಯ್ ಹಾತ್ ಮೆಳಯ್ .
ದೇವ್ ಬರೆಂ ಕರುಂ.
Edward Coelho