ಶಿಕ್ಷಕ್ ಆನಿ ಭುರ್ಗ್ಯಾಂಚೊ ಸಂಬಂಧ್ by Renita Juliet D'Costa

ಶಿಕ್ಷಕ್ ಆನಿ ಭುರ್ಗ್ಯಾಂಚೊ ಸಂಬಂಧ್

ಶಿಕ್ಷಕ್ ಜಾವ್ನಾಸಾ ಭುಗ್ರ್ಯಾಕ್ ಬರ್ಯಾ ವಾಟೆನ್ ಪಾವಂವ್ಚೊ ಏಕ್ ಮುಖೆಲಿ. ಭುಗ್ರ್ಯಾಂಚೆ ಜಿವಿತ್ ನಂದನ್ ಕರ್ಚಿ ವರ್ತಿ ಜವಾಬ್ದಾರಿ ತಾಕಾ ಆಸಾ. ತಾಚಿ ಸೆವಾ ನಿಸ್ವಾರ್ಥ್ ಆನಿ ಕಸಲ್ಯಾಯಿ ಹೊಗ್ಳಿಕೆಕ್ ಆಶೆನಾತ್‍ಲ್ಲಿ ತಸಲಿ. ಭುರ್ಗುಂ ತಾಂಚ್ಯಾ ಆವಯ್ ಬಾಪಯ್ ವರ್ನಿಂ ಚಡ್ ವೇಳ್ ಶಿಕ್ಷಕಾ ಸಂಗಿ ಉಲೊವ್ನ್ ಖೆಳೊನ್ ಖರ್ಚಿತಾತ್. ತರ್ ತ್ಯಾ ಭುಗ್ರ್ಯಾಂ ಸಾಂಗಾಂತಾ ವೇಳ್ ಕರ್ಚೊಂಚ್ಯಾ ಆನಿ ಖರ್ಸಿಲ್ಲ್ಯಾ ಆಮ್ಚ್ಯಾ ಫಿಗ್ರ್ಯಾಜೆಚ್ಯಾ ಥೊಡ್ಯಾ ಶಿಕ್ಷಕಾಂಚೊ ಅನ್ಭೋಗ್ ಹ್ಯಾ ಲೇಖನಾರ್ ಆಸಾ.

ಶ್ರೀಮತಿ ಬೆನ್ನಿ ಡಿ'ಕುನ್ಹಾ

ಬೆನ್ನಿ ಟೀಚರ್ ದೆರೆಬೈಲ್ ಇಸ್ಕೊಲಾಂತ್ ಶಿಕವ್ನ್ ನಿವೃತ್ತಿ ಜಾಲ್ಯಾ. ತಿ ತಾಲೆಂತಾಂಚೊ ಭಂಡಾರ್‍ಚ್ಚ್ ಮ್ಹಣ್ಯೆತ್. ಕೇವಲ್ ಇಸ್ಕೊಲಾಚಿ ಶಿಕ್ಷಕಿ ನ್ಹಂಯ್ ಆಸ್ತಾ ತಿಣೆಂ ದೊತೊರ್ನಿಚಿ ಶಿಕ್ಷಕಿ ಜಾವ್ನ್ ಸೆವಾ ದಿಲ್ಯಾ. ತಿ ಸಬಾರ್ ಸಂಘ್ ಸಂಸ್ಥ್ಯಾನಿ ಕ್ರಿಯಾಳ್ ಆಸಾ.

ತಿ ಪ್ರಾಥಮಿಕ್ ಇಸ್ಕೊಲಾಂತ್ ಶಿಕೊವ್ನ್ ನಿವೃತ್ತಿ ಜಾಲ್ಯಾರೀ ತಿಕಾ ತಿಚೆ ವೃತ್ತಿ ಜೀವನ್ ಬರ್ಯಾ ಥರಾನ್ ಖರ್ಸಿಲಾಂ ಮ್ಹಳ್ಳೆಂ ಸಮಧಾನ್ ಆಸಾ. ತಿ ಪಯ್ಲ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂಕ್ ತರ್ಬೆತಿ ದಿಂವ್ಚ್ಯಾಂತ್ ಎಕ್ದಮ್ ಹುಶಾರ್. ತಿಕಾ ಲ್ಹಾನ್ ಥಾವ್ನ್ ಶಿಕ್ಷಕಿ ಜಾಯ್ಜೇಯ್ ಮ್ಹಳ್ಳಿ ವರ್ತಿ ಆಸಾ ಆಸ್‍ಲ್ಲಿ. ತಿಚ್ಯಾ ಹಾತಾಖಾಲ್ ಆಸ್‍ಲ್ಲ್ಯಾ ಲ್ಹಾನ್ ಭುಗ್ರ್ಯಾಂಕ್ ತಿಂ ಆಂಜ್ ಮ್ಹಣ್ ಲೆಕ್ತಾಲಿ. ಲ್ಹಾನ್ ಭುರ್ಗಿಂ ರಡ್ತಾನಾ  ತಾಂಕಾ ಎಕಾ ಆವಯ್ ಬರಿ ಉಸ್ಕ್ಯಾರ್ ದವರ್ನ್ ಭುಜಯ್ತಾಲಿ. ಲ್ಹಾನ್ ಭುಗ್ರ್ಯಾಂಕ್ ಶಿಕೊಂವ್ಚೆಂ ಸುಲಭ್ ನ್ಹಂಯ್. ತಾಂಚೆ ಬರಿಚ್ಚ್ ಹಾಸೊನ್ ಖೆಳೊನ್ ಆಸ್ಲ್ಯಾರ್ ತಾಂಚಿ ಮನಾಂ ಜಿಕೊಂಕ್ ಸಾಧ್ಯ್ ಜಾತಾ ಮ್ಹಣ್ ತಿ ಸಾಂಗ್ತಾ ತಿಚ್ಯಾ ಕ್ಲಾಸಿಂತ್ ಶಿಕ್‍ಲ್ಲಿ ಭುರ್ಗಿಂ ಅಜೂನ್‍ಯೀ ತಿಚೊ ಉಗ್ಡಾಸ್ ಕರ್ನ್ ಫೋನ್ ಕರ್ನ್ ತಾಂಚಿ ಭೊಗ್ಣಾಂ ವಾಂಟುನ್ ಘೆತಾನಾ ತಿಕಾ ಮಸ್ತ್ ಖುಶಿ ಜಾತಾ ಮ್ಜಣ್ ತಿ ಸಾಂಗ್ತಾ.

ಶ್ರೀಮತಿ ಫೆಲ್ಸಿ ಲೋಬೊ

ಸಾಂ ಲುವಿಸ್ ಹಾಯ್‍ಸ್ಕೂಲ್ ಕೊಡಿಯಾಲ್‍ಬೈಲ್ ಮಂಗ್ಳುರಾಂತ್ ಶಿಕ್ಷಕಿ ಜಾವ್ನ್ ವಾವ್ರ್ ಕರ್ತಾ. ತಿ ಏಕ್ ತಾಲೆಂತ್‍ವಂತ್ ಶಿಕ್ಷಕಿ. ಏಕ್ ಬರಿ ಲೇಖಕಿ ಆನಿ ಕವಯತ್ರಿ. ತಿಚಿಂ ಕವನಾಂ ಸಕಾಲಿಕ್ ಜಾವ್ನ್ ಆಸ್ತಾತ್. ಆನಿ ಸಬಾರ್ ಪತ್ರಾಂನಿ ಪ್ರಸಾರ್‍ಜಾತಾತ್.

ತಿಚ್ಯೆ ಫರ್ಮಾಣೆಂ ಶಿಕ್ಷಕ್ ಜಾಂವ್ಚೆಂ ಏಕ್ ಆಪವ್ಣೆಂ. ಹೆಂ ಏಕ್ ನಾಜೂಕ್ ಆನಿ ಮೊಲಾಧಿಕ್ ಮಿಸಾಂವ್. ಸಕ್ಡಾಂಕ್ ಶಿಕ್ಷಕ್ ಜಾಂವ್ನ್ ಸಾಧ್ಯ್ ನಾ. ಖಂಚೆಯೀ ಕಾಮ್ ಮೆಳೊನಾ ಮ್ಹಣುನ್ ಶಿಕ್ಷಕ್ ವೃತ್ತಿ ವಿಂಚ್‍ಲ್ಲ್ಯಾಂಕ್ ಉತ್ತೀಮ್ ಆನಿ ಖರೆ ಶಿಕ್ಷಕ್ ಜಾಂವ್ಕ್ ಸಾಧ್ಯ್ ನಾ. ಶಿಕ್ಷಕ್ ಮ್ಹಳ್ಯಾರ್ ಸರ್ವ್ ಜಾಣಾರ್ ಖಂಡಿತ್ ನ್ಹಂಯ್. ವಿದ್ಯಾರ್ಥಿ ಸಂಗಿ ಆಸ್ತಾ ಪರ್ಯಾನ್ ಶಿಕ್ಷಕಾನ್‍ಯೀ ಶಿಕ್ಷೆಂ ಜಾಯ್ತೆಂ ಆಸಾ. ಏಕ್ ಶಿಕ್ಷಕ್ ವಿದ್ಯಾರ್ಥಿಚೆಂ ಉಗ್ತೆಂ ಪುಸ್ತಕ್ ಜಾವ್ನಾಸಾ. ದೆಕುನ್ ಶಿಕ್ಷಕಾನ್ ಜಾಗ್ರುತ್ ಆಸ್ಚಿ ಗರ್ಜ್. ಭುಗ್ಯಾಂಕ್ ಉಪದೇಶ್ ಕರ್ಚೊ ಗುರು ಆಪುಣ್ ವಾಂಕ್ಡಿ ವಾಟ್ ವಿಂಚುನ್, ಹೆರಾಂಕ್ ಬೂದ್ ಸಾಂಗ್ತಾ ತರ್ ತೊ ಖರೊ ಶಿಕ್ಷಕ್ ಜಾಯ್ನಾ. ಎಕಾ ಶಿಕ್ಷಕಾನ್ ಉಲೊವ್ಣ್ಯಾಂತ್, ಚಾಲಿಂತ್ ಆನಿ ಕಾಮಾಂತ್ ವಿದ್ಯಾರ್ಥಿಂಚೆ ಗುಮಾನ್ ಆಪ್ಣಾ ಥಂಯ್ ವೊಡ್ಲ್ಯಾ ಖರಿತ್ ತಾಚೆಂ ಮಿಸಾಂವ್ ಸುಫಳ್ ಜಾಯ್ನಾ. ಬರ್ಯಾ ವ್ಯಕ್ತಿತ್ವಾಚಿ ಭಾತ್ ಶಿಕ್ಷಕಾಂನಿ ಆಪ್ಲ್ಯಾ ವಿದ್ಯಾರ್ಥಿಂಚ್ಯಾ ಕಾಳ್ಜಾಂತ್ ಎಕ್ ಪಾಂವ್ಟಿ ರೊಂಬೊಂವ್ನ್ ಸೊಡ್ಲ್ಯಾರ್ ಪುರೊ. ಆಪ್ಲ್ಯಾ ಮಿಸಾವಾಂತ್ ಯಶಸ್ವಿ ಜಾಲಿ ಮ್ಹಣ್ ಅರ್ಥ್. ಕಿತ್ಲಿ ವರ್ಸಾಂ ಆಪ್ಲೆಂ ಶಿಕಯ್ಲೆಂ ಮ್ಹಣ್ಚ್ಯಾ  ಪ್ರಾಸ್ ಕಿತ್ಲ್ಯಾ ಬರ್ಯಾ ನಾಗರಿಕಾಂಕ್ ಹಾಂವೆ ಸಮಾಜೆಕ್ ಉಬೆಂ ಕೆಲೆಂ ಹ್ಯಾ ದಿಶೆನ್ ಶಿಕ್ಷಕಾಂಚೆ ಚಿಂತಾಪ್ ವಾಡೊಂ.

ಶ್ರೀಮತಿ ಹೆಲೆನ್ ರೀಟಾ ಮಿನೇಜಸ್

ತಿ ಸಾಂ. ಲೊರೆನ್ಸ್ ಇಂಗ್ಲಿಷ್ ಮಾಧ್ಯಮಾಂತ್ ಶಿಕ್ಷಕಿ ಜಾವ್ನ್ ವಾವುರ್ತಾ. ಸಾಂಗಾತಾಚ್ಚ್ ದೊತೊರ್ನೆಚಿ ಶಶಿಕ್ಷಕಿ ಜಾವ್ನ್ ವಾವುರ್ತಾ. ಯುವ ಪ್ರಾಯರಕ್ ಪಾವುಲ್ಲಯಾ ಭುಗ್ರ್ಯಾಂಕಗ ತಿ ಬರಿ ದೇಕ್ ದೀವ್ನ್ ಆಸಾ. ಸದಾಂಚ್ ಖುಶಾಲಿ ಆನಿ ಫಿರ್ಗಜೆಚ್ಯಾ ಕಸಲ್ಲಯಾಯಿ ಕಾಮಾಕ್ ಸದಾಂಚ್ ತಿ ತಯಾರ್.

ತಿಚೆ ಅಭಿಪ್ರಾಯೆ ಪರ್ಮಾಣೆಂ ಶಿಕ್ಷಕಿ ಆವಯ್ಚ್ಯಾ ಸ್ಥಾನಾರ್ ರಾವೊನ್ ಎಕಾ ಭುಗ್ರ್ಯಾಕ್ ಶಿಕಾಪ್ ಮಾತ್ರ್ ನ್ಹಂಯ್ ಜೀವನಾಚಿ ಮೌಲ್ಯ ಶಿಕಯ್ತಾತಗ. ಶಿಕ್ಷಕಿ ದೆವಾಚೆ ವರ್ತೆಂ ದೆಣೆಂ ಜಾವ್ನಾಸಾ. ಭುಗ್ರ್ಯಾಂ ಥಂಯ್ ಆಸ್ಲ್ಲುಂ ತಾಲೆಂತಾಂ ಶಿಕ್ಷಕಿ ಮಾತ್ರ್ ಸೊದುನ್ ಕಾಡುಂಕ್ ಸಕ್ತಾ ಮಾತ್ರ್ ನ್ಹಂಯ್ ತಾಂಕಾ ಉತ್ತೇಜನ್ ದಿತಾ. ಶಿಕ್ಷಕಿ ಭುಗ್ರ್ಯಾಂಚೆಂ ಬರೊ ಫುಡಾರ್ ರೂಪಿತ್ ಕರುಂಕ್ ಸಕ್ತಾ.  ಶಿಕ್ಷಕಿ ಭುಗ್ರ್ಯಾಂಕ್ ಶಿಕಾಪ್ ಶಿಕೊಂಕ್ ಪ್ರೇರಿತ್ ಕರ್ತಾ ಆತಾಂ ಶಿಕ್ಪಾಚಿ ವ್ಯವಸ್ಥಾಚಿ ಬದ್ಲಾವಣ್ ಜಾಲ್ಲ್ಯಾನ್ ಶಿಕಾಪ್ ಶಿಕೊಂಕ್ ಕಷ್ಟ್ ಜಾಲ್ಲ್ಯಾರ್‍ಯೀ ಉಪ್ರಾಂತ್ ಸರ್ವ್ ಭುರ್ಗಿಂ ನವ್ಯಾ ವ್ಯವಸ್ಥೆಕ್ ವರ್ಗಾಲಿಂ. ಆನ್‍ಲೈನ್ ಶಿಕ್ಪಾ ಥಾವ್ನ್ ಬರೆಂಪಣ್ ಜಾಲಾಂ ಜಾಲ್ಯಾರೀ ತಿತ್ಲೆಂಚ್ ಪಾಡ್‍ಯಿ ಜಾಲೆಂ ಮ್ಹಣ್ ತಿ ಮ್ಹಣ್ತಾ.

ಶ್ರೀಮತಿ ಪ್ರಮಿಳ ಡ್ಯಾಫ್ನಿ ನಿಯೆಲ್ಲಾ ಡೆಸ್ಸಾ

ತಿ ಹಾಯರ್ ಪ್ರೈಮರಿ ಇಸ್ಕೊಲ್ ತುಂಬೆಂತ್ ಶಿಕ್ಷಕಿ ಜಾವ್ನ್ ಕಾಮ್ ಕರ್ತಾ. ತಿ ಫಿರ್ಗಜೆಂತ್ ದೊತೊರ್ನೆಚಿ ಶಿಕ್ಷಕಿ ಜಾವ್ನ್ ತಶೆಂಚ್ ಮರಿಯಾಳ್ ಸೊಡೆಲಿಟಿಚಿ ತರ್ಬೆತಿಯಿ ದಿತಾ. ಖಂಚೆಯೀ ಕಾಮ್ ಆಸ್ಲ್ಯಾರೀ ಹಾಸ್ಯಾ ತೊಂಡಾನ್ ಬರ್ಯಾ ಮನಾನ್ ತೆಂ ಪೊಂತಾಕ್ ಪಾವೊಂಕ್ ತಿ ಸದಾಂಚ್ ತಯಾರ್. ಸಬಾರ್ ಸಂಘ್ ಸಂಸ್ಥ್ಯಾಂನಿ ತಿಣೆ ಮುಖೇಲ್ಪಣ್ ಘೆತ್ಲಾ. ಖಂಚೆಯೀ ಕಾಮ್ ವ್ಯವಸ್ಥಿತ್ ಥರಾನ್ ಕರ್ಚ್ಯಾಂತ್ ತಿಚೊ ಹೆಳ್‍ಲ್ಲೊ ಹಾತ್.

ತಿಚೆ ಪ್ರಕಾರ್ ಆವಯ್ ಬಾಪಯ್ ಕ್ರಿಸ್ತಾಚೆ ಪ್ರತಿರೂಪ್. ಆಮ್ಚೆಂ  ಥಂಯ್ ಆಸ್‍ಲ್ಲಿ ದೆಣಿಂ ಹೆರಾಂಕ್ ವಾಟುಂಕ್ ಅವ್ಕಾಸ್ ಹ್ಯಾ ವೃತ್ತೆಂತ್ ಮಾತ್ರ್ ಫಾವೊ ಮ್ಹಣ್ ತಿ ಚಿಂತ್ತಾ. ಸಬಾರ್ ರಿತಿಚ್ಯೊ ವೃತ್ತಿ ಆಸಾತ್. ಹ್ಯಾ ಪಯ್ಕಿ ಶಿಕ್ಷಕ್ ವೃತ್ತಿ ಶ್ರೇಷ್ಠ್ ಜಾವ್ನಾಸಾ. ಕಿತ್ಯಾಕ್ ಹ್ಯಾ ವೃತ್ತೆಂತ್ ಮೆಳ್ಚೊ ಸ್ಥಾನ್‍ಮಾನ್, ಗೌರವ್ ಹೆರ್ ವೃತ್ತೆ ಥಾವ್ನ್ ಮೆಳೊಂಕ್ ಸಾಧ್ಯ್ ನಾ. ಹಾಂವೆಂ ಬರೆಂ ಶಿಕಯ್ಲೆಂ ತರ್ ಖಂಡಿತ್ ಮ್ಹಜಿ ಭುರ್ಗಿಂ ಬೊರ್ಯಾ ಫುಡಾರಾಕ್ ಪಾವ್ತೆಲಿಂ ಹೆಂ ಸತ್ ಮ್ಹಜೆ ವೃತ್ತೆ ಥಾವ್ನ್ ಹಾಂವ್ ಶಿಕ್ಲ್ಯಾ. ಶಿಕ್ಷಕ್ ಜಾವ್ನಾದಾ ಜಾಣ್ವಾಯೆಚೆ ಭಂಡಾರ್. ಹಿ ಜಾಣ್ವಾಯ್ ಹೆರಾಂಕ್ ದಿತಾನಾ ಮ್ಹಜೆ ಥಂಯ್ ಆಸ್‍ಲ್ಲಿ ಜಾಣ್ವಾಯ್ ಚಡ್ ಜಾತಾ ಶಿವಾಯ್ ಉಣೆಂ ಜಾಯ್ನಾ. ಹಾಂವೆ ಶಿಕಯ್ಲಿಂ ಭುರ್ಗಿಂ ಬರ್ಯಾ ಫುಡಾರಾಕ್ ಪಾವ್ತಾನಾ ವಾ ತಾಣಿಂ ಆಮ್ಚೆ ಲಾಗಿಂ ಉಲಯ್ತಾನಾ ಆಮ್ಕಾ ಮೆಳ್ಚೊ ಸೊಂತೊಸ್ ಖಂಚ್ಯಾಯ್ ವೃತ್ತೆಂತ್ ಮೆಳ್ಚೊ ನಾಂ. ಆಮ್ಚಿಂ ಚಾಲ್ ಚಮ್ಕಣ್ ಬರಿ ಆಸ್ಲ್ಯಾರ್ ಖಂಡಿತ್ ಜಾವ್ನ್ ಸಮಾಜ್ ಆಮ್ಕಾಂ ಬರೊ ಗೌರವ್ ದಿತಾ.

ಹಾಂಚೆಂ ಪಯ್ಲೆಂ ಹೆರಾಂಕ್ ಆದರ್ಶ್ ತಶೆಂ ಮೇಲ್ಫಂಕ್ತ್ ಜಾಂವ್ಕ್ ಜಾಯ್. ಖಂಚೆಯ್ ಕಾಮ್ ಕರ್ತಾನಾ ಚಿಂತುನ್ ಕರುಂಕ್ ಜಾಯ್ ಕಿತ್ಯಾಕ್ ಸಮಾಜ್ ಮ್ಹಾಕಾ ಪಳೆತಾ, ಮಾನ್ ದಿತಾ ಮ್ಹಜ್ಯಾ ವೃತ್ತೆಕ್.

ಹಾಂವ್ ಏಕ್ ಶಿಕ್ಷಕಿ ಮ್ಹಳ್ಳೊ ವರ್ತೊ ಸೊಂತೊಸ್ ಮ್ಹಾಕಾ. ಭುಗ್ರ್ಯಾಂ ಸಾಂಗಾತಾ ಸಗ್ಳೊ ದೀಸ್ ಖರ್ಚುಂಚೆಂ ಭೋವ್‍ಚ್ ಸಮಾಧಾನಾಚೆ. ಮ್ಹಾಕಾ ಏಕ್ ಶಿಕ್ಷಕಿ ಜಾಂವ್ಚೆಂ ದೆಣೆಂ ಫಾವೊ ಕೆಲ್ಲಯಾ ದೆವಾಕ್ ಅರ್ಗಾಂ ದಿತಾ ಮ್ಹಣ್ ತಿ ಮ್ಹಣ್ತಾಂ.

ಶ್ರೀ ಪ್ರೇಮ್ ಮೊರಾಸ್

ಕೊಂಕಣಿ ಅಧ್ಯಾಪಕ್ ಜಾವ್ನ್ ಶ್ರೀ ಪ್ರೇಮ್ ಮೊರಾಸ್ ಮಂಗ್ಳುರ್ ವಿಶ್ವವಿದ್ಯಾನಿಲಯ್ ಸಾಂಜೆಚ್ಯಾ ಕಾಲೇಜಿಂತ್ ವಾವ್ರ್ ಕತ್ರಾತ್. ತಶೆಂಚ್ ಮಿಲಾಗ್ರಿಸ್ ಇಸ್ಕೊಲಾಂತ್ ಕೊಂಕ್ಣೊ ಶಿಕ್ಷಕ್ ಜಾವ್ನ್ ಆಪ್ಲಿ ಸೆವಾ  ಭೆಟಯ್ತಾತ್. ಸಾಂಗಾತಾಚ್ ತೆ ಏಕ್ ಸಂಗೀತ್ ಮೆಸ್ತ್ರಿಯೀ ಜಾವ್ನಾಸಾತ್. ತೆ ಏಕ್ ಉತ್ತೀಮ್ ಕವಿ, ಲೇಖಕ್, ಕಾಣ್ಯೆಗಾರ್ಮ ಜಾವ್ನಾಸಾತ್. ತಾಂಚ್ಯಾ ಕವಿತಾಂಕ್ ಕರ್ನಾಟಕ್ ಕೊಂಕಣಿ ಸಾಹಿತ್ಯ ಅಕಾಡೆಮಿ ಥಾವ್ನ್ ಪುರಸ್ಕಾರ್‍ಯೀ ಲಾಬ್ಲಾ. ಸಬಾರ್ ತಾಲೆಂತಾಂನಿ ಭರ್ಲೆಲೆ ತೆ ತಾಂತೊ ಅನ್ಭೊಗ್ ಅಶೆಂ ಸಾಂಗ್ತಾತ್.

ಎಕಾ ಶಿಕ್ಷಕಾಕ್ ತಾಚ್ಯಾ ಕಾಮಾಂತ್ ಮೆಳ್ಚೊ ತೊ ಸೊಂತೊಸ್ ದುಸ್ರ್ಯಾ ಖಂಚಾಯೀ ಕಾಮಾಂತ್ ಲಾಬಾನಾ. ಶಿಕ್ಚಕ್ ಜಾಂವ್ಚ್ಯಾ ಫುಡೆಂ ಹಾಂವೆಂ ವಿವಿಧ್ ಕ್ಷೇತ್ರಾಂತ್ ಕಾಮಾಂ ಕಾಮಾಂ ಕೆಲ್ಯಾಂತ್. ಪುಣ್ ಮ್ಹಾಕಾ ಹ್ಯಾ ವೃತ್ತೆಂತ್ ಸಮಾಧಾನ್ ಮೆಳೊಂಕ್ ನಾ. ಹೊ ಸಮಾಧಾನ್ ಮ್ಹಾಕಾ ಸಂಗೀತ್ ಮೆಸ್ರಿ ಜಾವ್ನ್ ಕಾಮ್ ಕರ್ತಾನಾ ಮೆಳ್ಳಾ. ಲ್ಹಾನಾ ಭುಗ್ರ್ಯಾಂಕ್ ಸಂಗೀತ್ ಶಿಕೊಂವ್ಕ್ ಆಸ್ಚಿ ಉರ್ಬಾ ಆನಿ ತಾಂಕಾ ಶಿಕ್ಷಕಾ ವಯ್ರ್ ಆಸ್ಚೊ ಮೋಗ್ ಪಳೆತಾನಾ ಶಿಕ್ಷಕಾಕ್‍ಯೀ ತಾಚ್ಯಾ ಕಾಮಾಂತ್ ತೃಪ್ತಿ ಮೆಳ್ತಾ. ಏಕ್ ಶಿಕ್ಷಕ್ ಹರ್ಯೇಕ್ ದೀಸ್ ನವಿ ನವಿ ಸಂಗ್ತಿ ಶಿಕ್ತಾ ಅಶೆಂ ಎಕಾ ಶಿಕ್ಷಕಾಚಿ ಜಿಣಿ ಉರ್ಲ್ಯಾ ವೃತ್ತೆಚ್ಯಾಕಿ ಸಂತೃಪ್ತಿ ದಿತಾ ಮ್ಹಣ್ ಹಾಂವ್ ಪಾತ್ಯೆತಾ. ಶಿಕ್ಷಕ್ ಜಾವ್ನ್ ಮೆಳ್‍ಲ್ಲಿ ತಿ ತೃಪ್ತಿ ಇತರ್ ಕಾಮಾಂನಿ ಮ್ಹಾಕಾ ಮೆಳೊಂಕ್ ನಾ. ಶಿಕ್ಷಕ್ ವೃತ್ತಿ ಕರ್ತಾಸ್ತಾನಾ ಮ್ಹಾಕಾ ಮ್ಹಜೆಂ ಘರ್ ಸಾಂಬಾಳೊಳಕ್ ದುಡ್ವಾಚೆ ಅಭಾವ್ ಜಾಂವ್ಕ್ ನಾಂ. ತಶೆಂಚ್ ಬರೊ ಮಾನ್‍ಯೀ ಮೆಳ್ಳಾ ಮ್ಹಣ್ ತೊ ಆಪ್ಲಿ ಅಭಿಪ್ರಾಯ್ ಸಾಂಗ್ತಾ.

ಸಮಾಪ್ತಿ

ವಿಶ್ವ ಶಿಕ್ಷಕಾಂಚೊ ದೀಸ್ ಅಕ್ತೋಬರಾಚ್ಯಾ 5 ತಾರಿಕೆರ್ ಸಂಭ್ರಮ್ತಾನಾ ಶಿಕ್ಷಕ್ ಜಾವ್ನ್ ಸೆವಾ ದಿಂವ್ಚ್ಯಾ ಹರ್ಯೆಕಾ ಶಿಕ್ಷಕಾಕ್ ಬರೆಂ ಮಾಗ್ತಾಂವ್. ಹ್ಯಾ ವೃತ್ತೆಂತ್ ತಾಂಕಾ ವೆವೆಗ್ಳೆ ಅನುಭವ್ ಜಾಂವ್ಕ್ ಪುರೊ. ಪುಣ್ ತಾಂಚೊ ಶೆವೊಟ್ ಮಾತ್ರ್ ವಿದ್ಯಾರ್ಥಿಂಚೊ ಬರೊ ಫುಡಾರ್. ತಾಂಚಾ ವಾವ್ರಾಂತ್ ಅಡ್ಕಳಿ, ನಿಂದಾ ಮೆಳ್ಯಾನಾ ತಾಣಿ ಥಿರ್ ರಾವೊಂಕ್ ದೇವ್ ತಾಂಕಾ ಆಧಾರ್ ದೀಂವ್.

Article by Renita Juliet D'Costa
Akashbhavan Ward