ಕೊವಿಡಾ ಉಪ್ರಾಂತ್ ಕೊಟ್ಟಾರ ಕ್ರಾಸ್ ವಾಡ್ಯಾಕ್ ನವೊ ಗುರ್ಕಾರ್

ಕೊವಿಡಾ ಉಪ್ರಾಂತ್ ಕೊಟ್ಟಾರ ಕ್ರಾಸ್ ವಾಡ್ಯಾಕ್ ನವೊ ಗುರ್ಕಾರ್

ಕೊಟ್ಟಾರ ಕ್ರಾಸ್ ವಾಡ್ಯಾಚಿ 3 ವರ್ಸಾ ಉಪ್ರಾಂತ್ ಪಯ್ಲಿ ಜಮಾತ್ ನವ್ಯಾನ್ ಚುನಾಯಿತ್ ಜಾಲ್ಲ್ಯಾ ಗುರ್ಕಾರ್ ಎಡ್ವಿನ್ ಡಿಸೋಜ ಚಾ ಘರಾ ಮಾರ್ಚಾಚ್ಯಾ 5 ತಾರ್ಕೆರ್ 4:30 ವರಾರ್ ಪವಿತ್ರ್ ಅತ್ಮ್ಯಾ ಯೇ ದೆಂವೊನ್ ಮ್ಹಳ್ಯಾ ಗೀತಾದ್ವಾರಿ ಸುರು ಜಾಲಿ. ಹ್ಯಾ ಜಮಾತೆಕ್ ಮುಖೆಲ್ ಸಯ್ರೆ ತಶೆಂಚ್ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ವಸ್ತೆ ಯಾಜಕ್ ಮಾನಾದಿಕ್ ಬಾಪ್ ಜೆರಾಲ್ಡ್ ಪಿಂಟೊ, ಕಾಪಿಕಾಡ್ ವಾಡ್ಯಾಚೊ ಗುರ್ಕಾರ್, 21 ಆಯೋಗಾಚೊ ಸಂಚಾಲಕ್  ಶ್ರೀಮಾನ್ ಎಡ್ವರ್ಡ್ ಕುವೆಲ್ಲೊ ಹಾಜಾರ್ ಆಸಲ್ಲೆ . ಹಾಜಾರ್ ಆಸ್ ಲ್ಲ್ಯಾ ಸರ್ವಾಂಕ್ ವಾಡ್ಯಾಚ್ಯಾ ಗುರ್ಕಾರನ್ ಸ್ವಾಗತ್ ಕೆಲೊ. ಮಾಗ್ಣ್ಯಾ ಸವೆಂ ಜಮಾತ್ ಪ್ರಾರಂಭ್ ಜಾಲಿ. ಜಮಾತೆಕ್ 23 ಜಣಾಂ ಹಾಜರ್ ಆಸಲ್ಲಿ. ಶ್ರೀಮಾನ್ ಎಡ್ವರ್ಡ್ ಕುವೆಲ್ಯೊನ್  ಲ್ಹಾನ್ ಖೆಳ್ ಖೆಳೊವ್ನ್ ಸರ್ವಾಂಕ್ ಸುಡ್ಸುಡಿತ್ ಕೆಲೆಂ . ಗುರ್ಕಾರಾನ್ ಸರ್ವ್ ವಾಡ್ಯಾಗಾರಾಂ ತರ್ಪೆನ್ ಜಮಾತೆಕ್ ಹಾಜಾರ್ ಜಾಲ್ಲ್ಯಾ ಬಾಪ್ ಜೆರಾಲ್ಡ್ ಪಿಂಟೋ, ಪಾಟ್ಲ್ಯಾ 2 ವರ್ಸಾ ವಾಡ್ಯಾಚಿ ಸೆವಾ ಕೆಲ್ಲ್ಯಾ ಶ್ರೀಮಾನ್ ಎಡ್ವರ್ಡ್ ಕುವೆಲ್ಲೊ, ರಾಜ್ಯ ಪ್ರಶಸ್ತಿ ಆಪ್ಲಾಯ್ಲ್ಯಾ ಶ್ರೀಮತಿ ಜುಲ್ಯೆಟ್ ಮೊರಾಸ್ ಸೆವಾ ದಿಲ್ಲ್ಯಾ ಶ್ರೀಮತಿ ನ್ಯಾನ್ಸಿ ಲಸ್ರಾದೊ , ಎಮಿಲಿಯಾನ ಡಿಸಿಲ್ವಾ ಆನಿಂ ನವ್ಯಾನ್ ಜುನಾಯಿತ್  ಜಾಲ್ಲ್ಯಾ ಪ್ರತಿನಿದಿ ಶ್ರೀ ಪ್ರೇಮ್ ಮೊರಾಸ್ ಹಾಂಕಾಂ ಸರ್ವಾಂಕ್ ಗುಲೊಬ್ ದೀಂವ್ನ್ ಸನ್ಮಾನ್ ಕೆಲೊ. ಬಾಪ್ ಜೆರಾಲ್ಡ್ ಹಾಣಿಂ ಜಮಾತ್ ಆನಿಕೀ ಜಡ್ ಜಿವಾಳ್ ಕರುಂಕ್ ಥೊಡಿ ಸಲಹಾ ಸೂಚನ ದಿಲಿ. ನಿಮಾಣೆ ಅರ್ಗಾಂ ಗೀತ್ ಗಾವ್ನ್ ಮಾಗ್ಣೆಂ ಜಮಾತ್ ಅಖೇರ್ ಕೆಲಿ. ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಕಾಫಿ ಫಳಾರ್ ದೀಂವ್ನ್ ದಾದೊಶಿ ಕೆಲೆಂ .