ಭುರ್ಗ್ಯಾಂಚೊ ದೀಸ್ ಆಚರಣ್

ಪರಪಾದೆ ವಯ್ಲ್ಯಾ ವಾಡ್ಯಾಂತ್ ಭುರ್ಗ್ಯಾಂಚೊ ದೀಸ್ ಆಚರಣ್

ಪರಪಾದೆ ವಯ್ಲ್ಯಾ ವಾಡ್ಯಾಂತ್ 14 ನವೆಂಬ್ರ್ 2024 ವೆರ್ ಬ್ರೆಸ್ತಾರಾ ಶ್ರೀಮಾನ್ ವಾಲ್ಟರ್ ಫೆಲ್ಸಿ ಪಿರೇರಾ ಹಾಂಚಾ ಘರಾ ಭುರ್ಗ್ಯಾಂಚೊ ದೀಸ್ ಆಚರಣ್ ಕೆಲೊ. ಸಾಂಜೆರ್ 6.30 ವರಾರ್ ವಾಡ್ಯಾ ಜಮಾತ್ ಚಲೊನ್ ವೆಲಿ ಆನಿ ಉಪ್ರಾಂತ್ ಭುರ್ಗ್ಯಾಂಚೊ ದೀಸ್ ಆಚರಣ್ ಕೆಲೊ. ವಿಗಾರ್ ಬಾಪಾಂನಿ ವಾಡ್ಯಾಗಾರಾಂಕ್ ಜೊಕ್ತೊ ಸಂದೇಶ್ ದೀವ್ನ್, ಆಮಿ ಲ್ಹಾನಾ ಭುರ್ಗ್ಯಾಂಪರಿ ಜಾಂವ್ಕ್ ಜಾಯ್. ಕಸಲೊಯೀ ರಾಗ್-ದ್ವೇಷ್ ಮತಿಂತ್ ದವರಿನಾಸ್ತಾಂ ಜಿಯೆಂವ್ಕ್ ಜಾಯ್ ಮ್ಹಣ್ ಸಾಂಗ್ಲೆಂ. ಶ್ರೀಮಾನ್ ವಿಕ್ಟರ್ ಕೊರೆಯಾನ್ ಉಲವ್ನ್, ಭುರ್ಗ್ಯಾಂನಿ ವಾಡೊನ್ ಯೆತಾನಾ ಕಸಲಿ ಜಾಗ್ರುತ್ಕಾಯ್ ಘೆಜೆ, ಲ್ಹಾನ್-ಲ್ಹಾನ್ ಸಂಗ್ತಿನಿಂ ವಿಶ್ವಾಸಿ ಜಾವ್ನ್ ಜಿಯೆಜೆ, ಭಾಯ್ಲ್ಯಾ ಖಾಣಾಕ್ ಲಬ್ದಾನಾಸ್ತಾನಾ ಭಲಾಯ್ಕಿ ಸಾಂಬಾಳಿಜೆ ಮ್ಹಣ್ ಸಾಂಗ್ಲೆಂ. ಉಪ್ರಾಂತ್ ಕು| ಮೆಲ್ನಿತಾ ಕೊರೆಯಾನ್ ಸರ್ಕಾರಿ ಕಾಮಾ ವಿಶ್ಯಾಂತ್ ಮಾಹೆತ್ ದಿಲಿ. ಸುರ್ವೆರ್ ಉಣ್ಯಾ ಸಾಂಬಾಳಾಚಾ ಕಾಮಾಂತ್ ತರೀ ಭರ್ತಿ ಜಾಂವ್ಕ್ ಪಳೆಜೆ. ಉಪ್ರಾಂತ್ ಪರೀಕ್ಷಾ ಬರವ್ನ್ ಉಂಚ್ಲ್ಯಾ ಸ್ಥಾನಾಕ್ ಪಾವೊಂಕ್ ಜಾಯ್ತೆ ಅವ್ಕಾಸ್ ಆಸಾತ್ ಮ್ಹಣ್ ಸಾಂಗ್ಲೆಂ. ಸಾಂಗಾತಾಚ್ ಪೋಸ್ಟ್ ಓಫಿಸಾಂತ್ ಲಾಭ್ ಆಸ್ಚ್ಯಾ ವಿವಿಧ್ ಯೋಜನಾಂಚಾ ಫಾಯ್ದ್ಯಾ ವಿಶಿಂ ಮಾಹೆತ್ ದಿಲಿ. ಉಪ್ರಾಂತ್ ಭುರ್ಗ್ಯಾಂಕ್ ವಿವಿಧ್ ಖೆಳ್ ಮಾಂಡುನ್ ಹಾಡ್ ಲ್ಲೆ. ಜಿಕ್ಲೆಲ್ಯಾ ಭುರ್ಗ್ಯಾಂಕ್ ಇನಾಮಾಂ ವಾಂಟ್ಲಿಂ. ತಶೆಂಚ್ ಹಾಜರ್ ಆಸ್ ಲ್ಲ್ಯಾ ಸಮೆಸ್ತ್ ಭುರ್ಗ್ಯಾಂಕ್ ಯೀ ಇನಾಮಾಂ ವಾಂಟ್ಲಿಂ.