ವ್ಹಡಾಂಚಾ CLC ಥಾವ್ನ್ ಯಾತ್ರಿಕ್ ಪಯ್ಣ್

ವ್ಹಡಾಂಚಾ CLC ಥಾವ್ನ್ ಯಾತ್ರಿಕ್ ಪಯ್ಣ್

ಆಮಿ ವ್ಹಡಾಂಚ್ಯಾ CLC ತಶೆಂ ಹೆರಾಂ ಒಟ್ಟು 48 ಜಣಾಂ ವರ್ತ್ಯಾ ಹುಮೆದಿನ್ ಆನಿಂ ಭುರ್ಗ್ಯಾಂ ಸಾರ್ಕ್ಯಾ ಹುರುಪಾನ್ ಮಾರ್ಚ್ ಮ್ಹಹಿನ್ಯಾಚ್ಯಾ 21 ತಾರಿಕೆರ್ ಕೇರಳಾಚ್ಯಾ ತ್ರಿಶೂರಾಕ್ ಯಾತ್ರಿಕ್ ಪಯ್ಣಾಕ್ ಭಾಯ್ರ್ ಸರ್ಲ್ಯಾಂವ್. ಹ್ಯಾ ಪಯ್ಣಾಚೊ ಮುಖ್ಯ ಉಸ್ತುವಾರಿ ಆಮ್ಚಾ CLC ಚೊ ಅಧ್ಯಕ್ಷ್ ಶ್ರೀ ಉಲ್ಲಾಸ್ ಡಿಕೊಸ್ತಾನ್ ಕೆಲ್ಲಿ. 'ವಂದೇ ಭಾರತ್' ಎಕ್ಸ್ ಪ್ರೆಸ್ ಟ್ರೈನಾರ್ ಅಮ್ಚಿ ವೆಚಿ ಆನಿಂ ಪಾಟಿಂ ಯೆಂವ್ಚಿ  ವ್ಯವಸ್ಥಾ ಅಮ್ಚಿಚ್ಚ್ CLC ಸಾಂದೊ ಮಾನೆಸ್ತಿಣ್ ಕ್ಲೊಟಿಲ್ಡಾನ್ ಕೆಲ್ಲಿ. ಸಕಾಳಿಂ ಜುಸ್ತ್ 06.20 ವ್ಹರಾರ್ ಸುಟೊನ್ 10.30 ವ್ಹರಾರ್ ಆಮಿ ತ್ರಿಶೂರ್ ಪಾವ್ಲ್ಯಾಂವ್.
ತ್ರಿಶೂರಾಂತ್ ಆಸ್ಚಾ ಪುರಾತನ್ ಆನಿಂ ಮಜ್ಬೂತ್ ದೇವ್ ತೆಂಪ್ಲಾಂಚಿ ಭೆಟ್, ಆಮ್ಚ್ಯಾ ಯಾತ್ರಿಕ್ ಪಯ್ಣಾಚೊ ಇರಾದೊ ಆಸ್ ಲ್ಲೊ. ಟ್ರೈನಾರ್ ಥಾವ್ನ್ ದೆಂವ್ತಾಚ್ಚ್ ಅಮ್ಚೊ ಅಧ್ಯಕ್ಷ್ ಶ್ರೀಮಾನ್ ಉಲ್ಲಾಸ್ ಡಿ 'ಕೊಸ್ತಾನ್ ಅಮಾನತ್ ಕೆಲ್ಲೆಂ ಬಸ್ಸ್ ತಯಾರ್ ಆಸ್ ಲ್ಲೆಂ.
    ಅಮ್ಚಿ ಪಯಿಲ್ಲಿ ಭೆಟ್ 'Our Lady of Lourdes Metropolitan Cathedral' ಹ್ಯಾ ದೇವ್ ತೆಂಪ್ಲಾಕ್ ಜಾಲಿ. ಹೆಂ ಏಕ್ ಮಜ್ಬೂತ್ ಬಾಂದಾಪ್. 1886 ಇಸ್ವೆಂತ್ ಹ್ಯಾ ಇಗರ್ಜೆಚಿ ಸುರ್ವಾತ್ ಜಾಲ್ಲಿ. 1986 ಇಸ್ವೆಂತ್ ಶತಮಾನೋತ್ಸವ್ ಜಾತಾನಾ ಪಾಪಾ ಜುವಾಂವ್ ಪಾವ್ಲ್ ದುಸ್ರೊ ಹಾಂಗಾ ಆಯಿಲ್ಲೊ.ಲೂರ್ದ್ ಸಾಯ್ಬಿಣಿಚೊ ಸೊಭಿತ್ ಗ್ರೊಟ್ಟೊ
ಹಾಂಗಾಸರ್ ಆಸಾ.
ತ್ಯಾ ನಂತರ್ ಆಮಿ 'Shrine Basilica of our Lady of Dolrous' ಹ್ಯಾ ಇಗರ್ಜೆಕ್ ಪಾವ್ಲ್ಯಾಂವ್. ಸೀರೊ ಮಲಬಾರ್ ಕಥೊಲಿಕಾಂಚಿ ಹಿ ಇಗರ್ಜ್. ಕೇರಳಾಂತ್ ಅಧಿಕ್ ವ್ಹಡ್ ಆನಿಂ ಅಖ್ಯಾ ಭಾರಾತಾಂತ್ ಆನಿಂ ಸಗ್ಳ್ಯಾ ಆಸಿಯಾಂತ್ ಅಧಿಕ್ ಉಬಾರ್ ಬಾಂದಾಪ್ ಹೆಂ. ಹ್ಯಾ ಇಗರ್ಜೆಚ್ಯಾ ತೋರಿಚ್ಯಾ ಪಾಂಚ್ವ್ಯಾ ಮಾಳಿಯೆರ್ ಏಕ್ ಬಾಯ್ಬಲ್ ಟವರ್ ಆಸಾ ಕೆಲಾಂ. ಹಾಂಗಾಸರ್ ಸಬಾರ್ ಭಾಸಾಂನಿಂ ಬರಯಿಲ್ಲೆ ಬಾಯ್ಬಲ್ ಪ್ರದರ್ಶನಾಕ್ ಆಸಾತ್,ಆನಿಂ ಹಾಂಗಾ ಥಾವ್ನ್ ಚಾರಾಂಯ್ ಕುಶಿನಿಂ ಸಗ್ಳ್ಯಾ ತ್ರಿಶೂರ್ ಶಹರಾಚಿ ಸೊಭಾಯ್ ಆಸ್ವಾದನ್ ಕರ್ಯೆತ್.ಇಗರ್ಜೆ ಭಿತರ್ ಸಬಾರ್ ಸಾಂತಾಂಚ್ಯಾ ರೆಲಿಕಾಂಚೆಂ ಭಂಡಾರ್ ಚ್ಚ್  ಆಸಾ.
ಹಾಚೆ ಉಪ್ರಾಂತ್ ಆಮಿ ಇರವು ಮ್ಹಳ್ಳೆಕಡೆನ್ ಆಸ್ಚ್ಯಾ ಜೆಜುಚೆಂ ಲ್ಹಾನ್ ಫುಲ್ ಸಾಂ ತೆರೆಜಾಚ್ಯಾ ಇಗರ್ಜೆಕ್ ಪಾವ್ಲ್ಯಾಂ ವ್. ಹಿ ಇಗರ್ಜ್, ಉಡುಪಿ ಕಲ್ಮಾಡಿಚ್ಯಾ ಇಗರ್ಜೆ ಭಾಷೆನ್ ಎಕಾ ತಾರ್ವಾಚ್ಯಾ ರೂಪಾರ್ ಆಸಾ.
    ಹಾಚ್ಯಾ ಉಪ್ರಾಂತ್ ಆಮಿ ಪಳಯೂರ್ ಮ್ಹಳ್ಳೆಕಡೆನ್ ಆಸ್ಚಾ ಸಾಂ ತೊಮಾಸ್ ಆಪೊಸ್ತಲಾಚ್ಯಾ
ಪೂನ್ ಶೆತಾಕ್ ಗೆಲ್ಯಾಂವ್. ಇಂಡಿಯಾಕ್ ಆಯಿಲ್ಲೊ ಸಾಂ ತೊಮಾಸ್ ಪಯಿಲ್ಲೊ ಹಾಂಗಾಸರ್ ಪಾವ್ ಲ್ಲೊ. ಭಾರತಾಂತ್ ಪ್ರಥಮ್ ದೇವ್ ಸ್ನಾನ್ ಹಾಂಗಾಸರ್ ದಿಲ್ಲೆಂ.
 ಭಾರತಾಂತ್ಲ್ಯಾ ಪ್ರಥಮ್ ಪವಿತ್ರ್ ಸಭೆಚೆಂ ಉಗಮ್ ಹಾಂಗಾಸರ್ ಜಾಲೆಂ . ಅನಿಂ ಭಾರತಾಂತ್ಲೊ 
ಪ್ರಥಮ್ ಖುರಿಸ್ ಹಾಂಗಾ ಕ್ರಿ. ಶ 52 ಇಸ್ವೆಂತ್ ಹಾಂಗಾ ಉಬಾರ್ಲೊ. ಸಾಂ ತೊಮಾಸಾನ್ ಪವಿತ್ರ್ ಸ್ನಾನ್ ದೀಂವ್ಕ್ ವಾಪರ್ ಲ್ಲೆಂ ತಳೆಂ, ತಾಚಾ ದುಸ್ಮಾನಾಂ ಥಾವ್ನ್ ಚುಕಾರಿ ಮಾರುಂಕ್ ಆಧಾರ್ ಜಾಲ್ಲೆಂ ಮಾಟೆಂ ಇತ್ಯಾದಿ ಪಳೆವ್ನ್ ಪಾಟಿಂ ತ್ರಿಶೂರಾಕ್ ಪಾಟಿಂ ಆಯ್ಲ್ಯಾಂವ್.
22 ತಾರಿಕೆರ್ ತ್ರಿಶೂರ್ ಥಾವ್ನ್ ಸಾಡೆ ತೀನ್ ವ್ಹರಾಂಚೆಂ ಪಯ್ಣ್ ಕರ್ನ್ ಭರಣಾಂಗಣಮ್ ಮ್ಹಳ್ಳೆ ಕಡೆನ್ ಆಸ್ಚಾ ಸಾಂತಿಣ್ ಸಿ!ಅಲ್ಫೋನ್ಸಾಚ್ಯಾ ಫೊಂಡಾ ಸರ್ಶಿನ್ ಪಾವ್ಲ್ಯಾಂವ್.ತಿಕಾ ಸಾಂತಿಣ್ ಮ್ಹಣ್ ಪಾಚಾರ್ ಲ್ಲ್ಯಾ ಉಪ್ರಾಂತ್ ಹಜಾರಾನಿಂ ಯಾತ್ರಿಕ್ ಹಾಂಗಾಸರ್ ಯೆತಾತ್. ತಿಚ್ಯಾ ಸಸಾಯೆನ್ ಸಬಾರ್ ಉಪ್ಕಾರ್ ಜೊಡ್ತಾತ್. ತಿಚ್ಯಾ ಜಿಣಿಯೆ ಆಧಾರಿತ್ ಏಕ್ ವಸ್ತು ಸಂಗ್ರಹಾಲಾಯ್ ಆಸಾ ಕೆಲಾಂ.ಸಾಂತಿಣೆಚಿ ಮ್ಹಜತ್ ಮಾಗೊನ್, ಪೂನ್ ಶೆತಾಚ್ಯಾ ಕ್ಯಾಂಟೀನಾಂತ್ ಧನ್ಪಾರಾಚೆಂ ಜೆವಾಣ್ ತಿರ್ಸುನ್ ಪಾಟಿಂ ತ್ರಿಶೂರ್ ರೈಲ್ವೆ ಸ್ಟೇಷನಾಕ್ ಪಾಟಿಂ ಯೇವ್ನ್, ಇಲ್ಲೆಂ ಶಾಪಿಂಗ್ ಕರ್ನ್ ರಾತಿಂ ಸಾಡೆ ಆಟ್ ವ್ಹರಾಂಚೆಂ ಟ್ರೈನ್ ಧರ್ನ್ 23 ತಾರಿಕೆರ್ ಸಕಾಳಿಂ ಪಾವಣೆಂ ಏಕ್ ವ್ಹರಾರ್ ಮಂಗ್ಳುರಾಕ್ ಪಾವ್ಲ್ಯಾಂವ್.
ಸಹಾಯಕ್ ವಿಗಾರ್ ಫಾ!ನೆಲ್ಸನ್, ಸಿ!ಮರಿಯಾ, ಅನಿಂ ಸಿ!ಸುನೀತಾ ಹಾಂಚಿ ಉಪಸ್ಥಿತಿ ಆಮ್ಕಾಂ ಮಾಗ್ಣ್ಯಾಕ್ ಆನಿಂ ಮಿಸಾಚೆಂ ಬಲಿದಾನ್ ಭೆಟೊಂವ್ಕ್ ಮ್ಹಸ್ತ್ ಆಧಾರಾಚಿ ಜಾಲಿ