ಕೊಂಚಾಡಿ ಪಯ್ಲೊ ವಾಡೊ - ಭುರ್ಗ್ಯಾಂಚಿ ಜಮಾತ್

ಕೊಂಚಾಡಿ ಪಯ್ಲೊ ವಾಡೊ - ಭುರ್ಗ್ಯಾಂಚಿ ಜಮಾತ್

ಕೊಂಚಾಡಿ ಪಯ್ಲೊ ವಾಡ್ಯಾಚಿ ಭುರ್ಗ್ಯಾಂಚಿ‌ ಜಮಾತ್ ಎಪ್ರಿಲ್ 12 ತಾರ್ಕೆರ್ 5 ವೊರಾರ್ ಅಲ್ಪೋನ್ಸ್ ಜಾನೆಟ್ ಸೆರಾವೊಚಾ ಘರಾ ಜಮ್ಲಿ. ಜಮ್ಲೆಲ್ಯಾ ಸಮೆಸ್ತಾಂಕ್ ಜೊವಿಟ ಸೆರಾವೊನ್ ಯೆವ್ಕಾರ್ ಮಾಗ್ಲೊ. ಉಪ್ರಾಂತ್ ಸಮುದಾಯೆಚೆಂ ಗೀತ್ ಗಾಯ್ಲೆಂ. ಪ್ರೇರಕ್ ಜಾವ್ನ್ ಜೈಲಿನ್ ಪಿಂಟೋನ್ ಜಮಾತ್ ಚಲೊವ್ನ್ ವೆಲಿ. ಲಿಯೋರ ಸಲ್ಡಾನಾನ್ ಜೆಜುಕ್ ಜಮಾತೆಕ್ ಸ್ವಾಗತ್ ಕೆಲೊ. ಸಾಂ ಪೆದ್ರುಚೆಂ ಪಯ್ಲೆಂ ಪತ್ರ್ ಅಧ್ಯಾಯ್-1, ವಾಕ್ಯ್ 3 ಥಾವ್ನ್ 9 ಮಣಾಸರ್ ಲೆನ್ವರ್ ಸಲ್ದಾನಾ ಆನಿ ಜೇಲನ್ ಪಿಂಟೋನ್ ವಾಚ್ಲೆಂ.‌ ವಾಚುನ್ ಜಾತಾಚ್ ತ್ಯಾ ವಾಚ್ಪಾಂತ್ಲಿಂ ಉತ್ರಾಂ‌ - ಎಡ್ರೀನಾ ಸೆರಾವೋನ್ - ಹರ್ಸಿಲ್ಲೊ ಜಾಂವ್ ದೇವ್, ರೀತೇಶ್ ಡಿಸೋಜಾನ್ - ಭಾವಾರ್ಥ್, ಸ್ನೀಡನ್ ಸೇರಾನ್ - ತುಮಿ ಸಂತೊಸ್ ಪಾವಾ, ಲೆವಿನ್ ಸಲ್ದಾನಾನ್ - ವಿಶ್ವಾಸ್ ದವರ್,  ಜೇಲನ್ ಪಿಂಟೋನ್ - ಭಾವಾರ್ಥಾಚೆಂ ಇನಾಮ್, ಲೆನ್ವರ್ ಸಲ್ದಾನಾನ್ - ಭಾಂಗಾರ ಪ್ರಾಸ್ ಚಡ್ ಮೊಲಾಧಿಕ್ ಜಾವ್ನಾಸ್ಲೊ ತುಮ್ಚೊ ಭಾವಾಡ್ತ್, ಮನೀಶ್ ಸೇರಾನ್ - ವ್ಹಡ್ ಕಾಕುಳ್ತಿನ್ - ಮ್ಹಳ್ಳೆಂ ಉತಾರ್ ವಿಂಚುನ್ ಕಾಡ್ನ್ ತಾಂಚೆ ಮತಿಂತ್ ಭೊಗಲ್ಲೆಂ ಆಮ್ಚೆಂ ಮಧೆಂ ವಾಂಟುನ್ ಘೆತ್ಲೆಂ. ಜಿವಿತಾಚೆಂ ಉತರ್ ಜಾವ್ನ್ 'ಭಾವಾರ್ಥ್' ಮ್ಹಳ್ಳೆಂ ಉತರ್ ವಿಂಚುನ್ ಕಾಡ್ಲೆಂ. ಸೆವೆಚಿ ವರ್ದಿ ಬೆನ್ನಿ ಡಿ ಸೋಜನ್ ದಿಲಿ. ಲೆವಿನ್ ಸಲ್ಡಾನ, ರೀತೇಶ್ ಡಿ ಸೋಜ, ಜೇಲನ್‌ ಪಿಂಟೋ, ಜೈಲಿನ್ ಪಿಂಟೋ, ಲೆನ್ವರ್ ಸಲ್ಡಾನ, ಶೈನ್ ಫುಡ್ತಾದೊ ಹಾಣಿಂ ಸ್ವಂತ್ ಪ್ರಾರ್ಥನಾಂ ಜೆಜು ಮುಖಾರ್ ದವರ್ಲಿಂ. ಉಪ್ರಾಂತ್ ಆಮ್ಚಾ ಬಾಪಾ ಮ್ಹಳ್ಳೆಂ ಮಾಗ್ಣೆಂ ಮ್ಹಣೊನ್ ಸಾತ್ ಮೆಟಾಂಚೆಂ ವಿಧಾನ್ ಭುರ್ಗ್ಯಾಂನಿ  ಭೋವ್ ಉತ್ತೀಮ್ ರಿತಿನ್ ಚಲೊವ್ನ್ ವೆಲೆಂ. ಜಮಾತೆಕ್ ಮುಖೆಲ್ ಸರ್ಯಿ ಜಾವ್ನ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚಿ ಕಾರ್ಯದರ್ಶಿ ಸಿಂತಿಯಾ ಮಾರ್ಟಿಸ್ ಹಾಜರ್ ಆಸಲ್ಲಿ. ಆಮ್ಚಾ ಭುರ್ಗ್ಯಾಂಕ್ ಉದ್ದೇಶುನ್ ಬರೊ ಸಂದೇಶ್ ತಿಣೆಂ ದಿಲೊ. ಜಮಾತೆಕ್ 15 ಕುಟ್ಮಾಂ ಥಾವ್ನ್ 12 ಭುರ್ಗಿಂ, 16 ಸ್ತ್ರೀಯೋ, 5 ದಾದ್ಲೆ ಅನಿ 1 ಮುಖೆಲ್ ಸರ್ಯಿ ಒಟ್ಟು 33 ಜಣಾಂ ಹಾಜರ್ ಆಸಲ್ಲಿಂ.