ಕೊಂಚಾಡಿ ಪಯ್ಲ್ಯಾ ವಾಡ್ಯಾಚಿ ಜಮಾತ್ ಅನಿ ಪಾವ್ಸಾ ಗಮ್ಮತ್

ಕೊಂಚಾಡಿ ಪಯ್ಲ್ಯಾ ವಾಡ್ಯಾಚಿ ಜಮಾತ್ ಅನಿ ಪಾವ್ಸಾ ಗಮ್ಮತ್

ಕೊಂಚಾಡಿ ಪಯ್ಲ್ಯಾ ವಾಡ್ಯಾಂತ್ ಆಗಸ್ಟಾಚಾ 9 ತಾರ್ಕೆರ್ ಆಯ್ತಾರಾ ಸಾಂಜೆರ್ 6 ವೊರಾರ್ ಬ್ಲೂಬೆರಿ ಫ್ಲೆಟಾಂತ್ ಪ್ರಜ್ವಲ್ ಆನಿಂ ಸಾನ್ಸಿಯಾ ಫುಟ್ದಾದೊ ಹಾಂಚಾ ಘರಾಂತ್ ಜಮಾತ್ ಆನಿಂ ಪಾವ್ಸಾ ಗಮ್ಮತ್ ಆಸಾಂ ಕೆಲ್ಲೆಂ. ಜಮಾತೆಕ್ ಸಾಂತ್ ಆನ್ನಾ ಕೊವೆಂತಾಂಚಿ ಧರ್ಮ್ ಭಯ್ಣಿಂ ಹಾಜರ್ ಆಸಲ್ಲಿಂ.‌ ಆಯಿಲ್ಲ್ಯಾ ಸಮೆಸ್ತಾಂಕ್ ಸಾನ್ಸಿಯಾ ಫುಟ್ತಾದೊನ್‌ ಯೆವ್ಕಾರ್ ಮಾಗ್ಲೊ. ಹಿಲ್ಡಾ ಕ್ರಾಸ್ತಾನ್ ಪ್ರೇರಕ್ ಜಾವ್ನ್ ಜಮಾತ್ ಚಲೊವ್ನ್ ವೆಲಿ. 6.45 ವೊರಾರ್ ವಿಗಾರ್ ಬಾಪ್ ತಶೆಂಚ್ ಸಹಾಯಕ್ ವಿಗಾರ್ ಬಾಪಾಂಚಾ ಹಾಜರ್ಪಣಾಂತ್ ಪಾವ್ಸಾ ಗಮ್ಮತಾಚೆಂ ಕಾರ್ಯೆಂ ಪ್ರಾರಂಭ್ ಕೆಲೆಂ. ಜೊವಿಟ ಸೆರಾವೊನ್ ಸಗ್ಳೆಂ ಕಾರ್ಯೆಂ  ಚಲೊವ್ನ್ ವೆಲೆಂ. ಆಯಿಲ್ಲ್ಯಾ ಸಮೆಸ್ತಾಂಕ್ ಸ್ವಾಗತ್  ಕೆಲೊ. ಕಾರ್ಯಾಕ್ ಫಿರ್ಗಜೆಚೊ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಡೆನ್ಜಿಲ್ ಫೆರ್ನಾಂಡಿಸ್, ಕಾರ್ಯದರ್ಶಿ ಕ್ಲೊಟಿಲ್ಡಾ ಡಿಸೋಜ, ಆಯೋಗಾಚಿ ಸಂಯೋಜಕ್ ಪ್ರಮೀಳ ಫುಟ್ತಾದೊ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚಿ ಅಧ್ಯಕ್ಷ್ ಶೈಲಾ ನೊರೊನ್ಹಾ ಹಾಜರ್ ಆಸಲ್ಲಿಂ. 

ಆಮ್ಚಾ ವಾಡ್ಯಾಂತ್ಲ್ಯಾ ಭುರ್ಗ್ಯಾಂನಿ ಗಿತಾ ಸವೆಂ ದೆವಾಕ್ ವರ್ಣಿಲೆಂ. ಉಪ್ರಾಂತ್ ದೊಗಾಂ ನೆಣ್ತ್ಯಾ ಭುರ್ಗ್ಯಾಂನಿ ನಾಚ್ಪಾ ರುಪಾರ್ ಪಾವ್ಸಾಕ್ ಆಪೊವ್ಣೆ ದಿಲೆಂ. ವಿಗಾರ್ ಬಾಪಾಂನಿ ತಾಂಚೊ ಸಂದೇಶ್ ದಿಲೊ. ಸ‌ಹಾಯಕ್ ವಿಗಾರ್ ಬಾಪಾಂನಿ ಆಯಿಲ್ಲ್ಯಾ ಸರ್ವಾಂಚೆರ್ ತಶೆಂಚ್‌ ವಾಡ್ಯಾಗಾರಾಂನಿ ತಯಾರ್ ಕೆಲ್ಲ್ಯಾ ಖಾಣಾಚೆರ್ ಆಶಿರ್ವಾದ್ ಮಾಗೊವ್ನ್ ಜಾತಾಚ್ ವೀಣಾ ಸಲ್ಡಾನ ಆನಿಂ ಜೊವಿಟಾ ಸೆರಾವೊನ್ ಭುರ್ಗ್ಯಾಂಕ್ ಆನಿಂ ವ್ಹಡಾಂಕ್‌ ಖೆಳ್ ಚಲವ್ನ್ ವೆಲೆ. ವಿಜೆತಾಂಕ್ ವಿಗಾರ್ ಬಾಪಾಂನಿ ತಶೆಂಚ್ ಸಹಾಯಕ್ ವಿಗಾರ್ ಬಾಪಾಂನಿ ಬಹುಮಾನ್ ವಿತರಣ್ ಕೆಲೆಂ. ಶೆಲ್ಡನ್ ‌ಕ್ರಾಸ್ತಾನ್ ಧನ್ಯವಾದ್ ಪಾಟಯ್ಲೆ. ಉಪ್ರಾಂತ್ ಆಯಿಲ್ಲ್ಯಾ ಸಮೆಸ್ತಾಂನಿ ಖಾಣಾಂಚಿ ರೂಚ್ ಚಾಕೊನ್ ಪಾವ್ಸಾ ಗಮ್ಮತ್ ಕಾರ್ಯೆಂ ಸಮಾಪ್ತ್ ಕೆಲೆಂ.